Home / Գլխաւոր լուրեր / Լիբանանի Անկախութեան 73-ամեակին Առիթով Ծաղկեպսակի Զետեղում` Անկախութեան Հերոսներու Շիրիմներուն
arthur_nazarian_independence_112116

Լիբանանի Անկախութեան 73-ամեակին Առիթով Ծաղկեպսակի Զետեղում` Անկախութեան Հերոսներու Շիրիմներուն

Լիբանանի ընթացաւարտ կառավարութեան անդամ նախարարներ եւ երեսփոխաններ, երկամեայ առկախումէ ետք, անկախութեան 73-ամեակին առիթով, Երկուշաբթի, 21 Նոյեմբերի 2016-ին, իշխանութեան երեք ղեկավարներուն անունով ծաղկեպսակներ զետեղեցին` 22 Նոյեմբեր 1943-ին Լիբանանի անկախութիւնը կերտած ազգային հերոսներու շիրիմներուն:
Զբօսաշրջութեան նախարար Միշել Ֆարաոն երկու ծաղկեպսակներ զետեղեց նախկին նախագահ Պշարա Խուրիի եւ նախկին վարչապետ Սաէպ Սալամի դամբարաններուն:
Ընթացաւարտ կառավարութեան ուժանիւթի եւ ջուրի հարցերու նախարար Արթիւր Նազարեան ծաղկեպսակ զետեղեց Մեժիտ Արսլանի դամբարանին:
Երեսփոխան Նաամթալլա Ապի Նասըր իշխանութեան երեք պետերուն անունով ծաղկեպսակ մը զետեղեց նախկին նախագահ Ֆուատ Շեհապի շիրիմին:
Երեսփոխան Մոհամետ Քապպանի ծաղկեպսակ մը զետեղեց Ատնան Հաքիմի դամբարանին:
Երեսփոխան Քասեմ Ապտել Ազիզ ծաղկեպսակ մը զետեղեց Համիտ Ֆրենժիէի դամբարանին:
Ընթացաւարտ կառավարութեան ներքին գործոց նախարար Մոհամետ Մաշնուք ծաղկեպսակներ զետեղեց նախկին վարչապետներ Ռիատ Սոլհի եւ Ռաֆիք Հարիրիի շիրիմներուն:
Երեսփոխան Ղասսան Մուխայպեր Պիքֆայայի մէջ Փիեռ Ժեմայէլի արձանին ծաղկեպսակ մը զետեղեց` հաստատելով, որ անկախութիւնը օրական դրութեամբ կատարուող աշխատանք է:
Երեսփոխան Եուսեֆ Խալիլ իր կարգին ծաղկեպսակ մը զետեղեց Սելիմ Թաքլայի դամբարանին` ընդգծելով Լիբանանը ազատ, անկախ եւ գերիշխան պահելու կարեւորութիւնը:
Ընթացաւարտ կառավարութեան հանրօգուտ շինութեանց եւ փոխադրութեան հարցերու նախարար Ղազի Զաայթեր ծաղկեպսակ զետեղեց խորհրդարանի նախկին նախագահ Սապրի Համատէի շիրիմին:
Երեսփոխան Ալաէտտին Թըրրօ ծաղկեպսակ զետեղեց նախկին նախագահ Քամիլ Շամունի դամբարանին:
Երեսփոխան Ալի Խրէյս ծաղկեպսակ զետեղեց Ալի Օսէյրանի շիրիմին` շեշտելով, որ իսկական անկախութիւնը թշնամի Իսրայէլը լիբանանեան հողերէն դուրս շպրտելու մէջ կը կայանայ:
Նախկին նախարար Մոհամետ Սաֆատի ծաղկեպսակ մը զետեղեց նախկին վարչապետ Ապտել Համիտ Քարամէի դամբարանին:

Leave a Reply

Your email address will not be published. Required fields are marked *