Home / Գլխաւոր լուրեր / Դրօշակի Տօնին Առիթով Եւ Անկախութեան Սեմին Ազգային Դրօշակը Վերադարձաւ «Ժողովուրդի Տուն» 20 Նոյեմբեր, 2016
nakhakah_feyha_112016

Դրօշակի Տօնին Առիթով Եւ Անկախութեան Սեմին Ազգային Դրօշակը Վերադարձաւ «Ժողովուրդի Տուն» 20 Նոյեմբեր, 2016

Դրօշակի տօնին առիթով, նախագահ Միշէլ Աուն կիրակի, 20 նոյեմբեր 2016-ի առաւօտուն, նախագահական պալատի մուտքին պաշտօնական արարողութեամբ մը ստանձնեց «Ժողովուրդին դրօշակը»: Նախագահ Աունի կողքին ներկայ էր նաեւ Լիբանանի առաջին տիկին Նատիա Աուն:
Ողջունելով բազմահազար լիբանանցիները, նախագահ Աուն ըսաւ, որ այս երեւոյթը շատ հարազատ է իրեն եւ համայն լիբանանցիներուն համար, որովհետեւ Լիբանանի այդ դրօշակը իրենց նման 15 տարի արգելափակուեցաւ եւ փրկուեցաւ ու իր բնական հասցէին վերադարձաւ շնորհիւ Լէյլա Հապըրի, որ զայն խնամքով պահած էր:
Նախագահ Աուն վերյիշեց, որ օրին դէպի Պաապտայի «Ժողովուրդին տուն» կատարուած ժողովրդային ցոյցերուն ընթացքին քաղաքացիները այդ դրօշակին վրայ ստորագրած էին՝ Լիբանանը միացնելու նպատակով, «հետեւաբար այս դրօշակը կը խորհրդանշէ Լիբանանի հողն ու ժողովուրդը» ընդգծեց ան:
210 քառ. մեթր դրօշակը նախագահական պալատ բերուեցաւ Լիբանանի սկաուտական խումբերուն կողմէ, իսկ այս առիթով նախագահական պալատի հանդիսութեան պաշտօնական յայտագիրին իր մասնակցութիւնը բերաւ «Ֆայհա» երգչախումբը, ղեկավարութեամբ` մայեսթրօ Պարգեւ Թասլաքեանի

Leave a Reply

Your email address will not be published. Required fields are marked *