Home / Գլխաւոր լուրեր / Նախագահ Միշէլ Աուն ընդունեց Ն.Ս.Օ.Տ.Տ.Արամ Ա.Կաթողիկոսը, 4 նոյեմբեր, 2016,
aoun_aram_ayp_110416

Նախագահ Միշէլ Աուն ընդունեց Ն.Ս.Օ.Տ.Տ.Արամ Ա.Կաթողիկոսը, 4 նոյեմբեր, 2016,

Ն.Ս.Օ.Տ.Տ.Արամ Ա.կաթողիկոս շնորհաւորական այցելութիւն մը տուաւ նորընտիր նախագահ, զօրավար Միշէլ Աունի Պաապտայի նախագահական պալատին մէջ:
Վեհափառ հայրապետը Մեծի Տանն Կիլիկիոյ կաթողիկոսութեան, թեմերուն ու ժողովական կառոյցներուն անունով եւ անձնապէս ջերմօրէն շնորհաւորեց զօր. Միշել Աունի նախագահ ընտրութիւնը` մաղթելով, որ իր ընտրութեամբ` ներքին միասնականութեան, տնտեսական զարգացման եւ միջազգային յարաբերութեանց փայլուն նոր էջ մը բացուի Լիբանանի ժամանակակից պատմութեան մէջ:
Հանդիպման ընթացքին անդրադարձ եղաւ նաեւ Միջին Արեւելքի քրիստոնեայ համայնքներու դիմագրաւած մարտահրաւէրներուն եւ քրիստոնէական ներկայութիւնը աւելի ամրապնդելու անհրաժեշտութեան: Թէ՛ հանրապետութեան նախագահը եւ թէ՛ վեհափառ հայրապետը նաեւ շեշտեցին լիբանանեան սփիւռքը վերակազմակերպելու եւ Լիբանանի զօրակցութեան նոր մղում տալու հրամայականը:
Շնորհաւորական այս այցելութեան վեհափառ հայրապետին կողքին ներկայ գտնուեցան Լիբանանի հայոց թեմի առաջնորդ Շահէ եպս. Փանոսեան եւ Մայր տաճարի լուսարարապետ Նորայր եպս. Աշըգեան:

Leave a Reply

Your email address will not be published. Required fields are marked *