Home / Գլխաւոր լուրեր / Տեղեկատուութեան նախարար Մլհեմ Անթուն Ռիաշի, Լիբանանեան, 22 դեկտեմբեր, 2016
Մլհեմ Ռիաշի

Տեղեկատուութեան նախարար Մլհեմ Անթուն Ռիաշի, Լիբանանեան, 22 դեկտեմբեր, 2016

Տեղեկատուութեան նախարար Մլհեմ Անթուն Ռիաշի, Լիբանանեան, 22 դեկտեմբեր, 2016

Գրող, թղթակից՝Մլհեմ Անթուն Ռիաշի, հիւսիսային Մեթնի Խնչարայի շրջանէն է: Ան բաղդատական կրօններու փոխյարաբերութեանց ուսումնասիրութեան ինչպէս նաեւ Միջինարեւելեան հարցերու հետազօտող է եւ ունի կարգ մը ուսումնասիրութիւններ եւ պրպտումներ այս մարզին մէջ:
Քաղաքական հարցերու եւ ռազմագիտական բանակցութեանց խորհրդատու է: Աշխարհաքաղաքական եւ ռազմագիտական բանակցութեան հաղորդակցութեանց դասախօս՝ Քասլիքի Սուրբ Հոգի համալսարանին մէջ:
2012-2016 եղած է Լիբանանեան ուժեր կուսակցութեան մամլոյ եւ հաղորդակցութեան բաժանմունքի վարիչ պատասխանատու:
Նշանակուած է Լիբանանեան ուժերու կուսակցապետ Սամիր Ժահժահի յատուկ բանագնաց՝ Ազգային ազատ հոսանքի ղեկավար՝ նախագահ Միշէլ Աունի մօտ: Համանուն շարժման երեսփոխաններէն՝ Իպրահիմ Քանաանի հետ 2 յունիս 2015-ին յաջողած է յանգիլ «պատմական» համաձայնագիրի մը ստորագրութեան, Ազգային ազատ հոսանքի եւ Լիբանանեան ուժեր կուսակցութեան միջեւ, ծանօթ՝ «Մտադրութեանց հռչակագիր՝ Ազգային ազատ հոսանքի եւ Լիբանանեան ուժերու միջեւ» անունով: Այս համաձայնագիրը վերջ տուաւ երկու կողմերուն միջեւ շուրջ երեսնամեայ հակամարտութեան:
Մլհեմ Ռիաշի եղած է «աքթիվիսթ» գործունեայ տարր, ընկերային գործունէութեան մէջ (յաջորդաբար եօթ տարի վարած է Մեթնի «Քարիթաս-Լիպան»-ի չորրորդ մասնաճիւղի նախագահութիւնը):
Ունի բազմաթիու ուսումնասիրութիւններ եւ գիրքեր Արեւելեան հարցին գծով, ինչպէս՝ «Ղեկավարներ եւ Աղէտ» (1994), «Սկարիովտացի Յուդան՝ Անմեղ Դաւաճանը» (1995), «Բանտարկեալին Սաղմոսը» (1997), «Անցքը» (1998), «2000-ի Ընտրութիւնները» (2000), «Ջրհորը» (2003), «Շիրմապահը» (2007), «Պարսաւանքի Գիրքը» (2016): Այս գործերուն մեծ մասը լոյս տեսած է «Տար Նահար» հրատարակչատան կողմէ, իսկ վերջերս՝ «Սաէր Մաշրէք» եւ Փարիզի «Լարմաթան» հրատարակչատուներէն:

Leave a Reply

Your email address will not be published. Required fields are marked *