Home / Գլխաւոր լուրեր / «Նախագահ Միշէլ Աունի Ընտրութիւնը Նոր Էջ Մը Բացաւ» շեշտեց Զօր. Ժան Քահուաժի, Լիբանանեան, Նոյեմբեր, 22, 2016
images (27)

«Նախագահ Միշէլ Աունի Ընտրութիւնը Նոր Էջ Մը Բացաւ» շեշտեց Զօր. Ժան Քահուաժի, Լիբանանեան, Նոյեմբեր, 22, 2016

«ՆԱԽԱԳԱՀ ՄԻՇԷԼ ԱՈՒՆԻ ԸՆՏՐՈՒԹԻՒՆԸ ՆՈՐ ԷՋ ՄԸ ԲԱՑԱՒ» ՇԵՇՏԵՑ ԶՕՐԱՎԱՐ ԺԱՆ ՔԱՀՈՒԱԺԻ

Զօրավար Միշէլ Աունի հանրապետութեան նախագահ ընտրութիւնը նոր էջ մը բացած է Լիբանանի պատմութեան մէջ» շեշտեց բանակի հրամանատար զօր. Ժան Քահուաժի, Լիբանանի անկախութեան 73-ամեակին առիթով բանակին ուղղած իր «Օրուան հրահանգ»-ին մէջ:
«Այս տարի Լիբանանի Անկախութեան տօնին առիթով յոյս կը ներշնչուի երկրին եւ լիբանանցիներուն` նկատի ունենալով, որ տարիներու վրայ երկարող նախագահական թափուր դրութիւնը վերջ գտած է:
Տիրող յոյսի մթնոլորտին լոյսին տակ երկրին կայունութիւնը կ՛ամրապնդուի եւ երկիրը յաւելեալ բարգաւաճում կ՛ապրի», ըսաւ զօր. Քահուաժի:
Զօր. Քահուաժի նշեց, որ գերիշխանական խորագիրներու ներքեւ պէտք է ներքին լիբանանեան կեանքը ամրապնդել, որպէսզի ան դիմադրէ զինք շրջապատող վտանգներուն:
Ան բարձր գնահատեց բանակին դերակատարութիւնը` Լիբանանի ապահովութեան եւ լիբանանցիներուն անվտանգութեան ապահովումին իմաստով, աւելցնելով, որ բանակին զինումը անհրաժեշտութիւն է:
«Հպա՛րտ եղէք ձեր իրագործումներով եւ իսրայէլեան ուժերուն դիմադրութեամբ, ՖԻՆԻՒԼ-ի միջազգային խաղաղապահ ուժերուն հետ գործակցաբար ՄԱԿ-ի թիւ 1701 բանաձեւը գործադրելու վճռակամութեամբ, ահաբեկչութեան եւ անոր ցանցերուն ու քնացած բջիջներուն դէմ արձանագրուած յաղթանակով, ինչպէս նաեւ սահմանադրական հաստատութիւններուն պահպանումով: Կառչած մնացէ՛ք ձեր կարգախօսին եւ ազգային դաստիարակութեան, որոնց ընդմէջէն փաստած էք ձեր զօրութիւնը», ըսաւ զօր. Քահուաժի:
Ան հաստատեց, որ ահաբեկչական կազմակերպութիւններուն կողմէ բանակայիններուն առեւանգումը անկարելի է մոռնալ` ընդգծելով, որ անոնց ճակատագիրը բացայայտելու եւ զանոնք ազատ արձակելու իմաստով ոչ մէկ ճիգ պիտի խնայուի:

Leave a Reply

Your email address will not be published. Required fields are marked *